Lungleiah hnam lâm leh zai zirna khâr

Art & Culture department chuan Lunglei Venglaia an auditorium-ah ni 45 awh Mizo hnam lâm leh zai zirna, 14th Condensed Course on Traditional Dance & Songs 2025-26 an buatsaih a, April 30, Ningani khan a hmáwrbâwkna hun hman niin, zir chhuakte hnena certificate hlan a ni.

Art & Culture department chuan Aizawlah tlha thum awh hnam lâm leh zai zirna a buatsaih ṭhin a, full course-a tel thei lote tan Lungleiah ni 45 awh Condensed Course a buatsaih ṭhin. Kumina condense course buatsaih hi vawi 14-na a ni a, March 17-ah ṭanin, April 30, 2026 thleng a awh.

Condense Course vawi 14-naah hian mi 34 an inziak lut a, zirtirtu pahnihin hnam làm leh zai an zirtir ṭhin a, a tawp thlenga zir chhuak chu mi 19 an ni. Zirlai 19 hian endiktu pahnih hmaah folk song, folk music leh folk dance-ah practical exam an paltlang vek a; 78% hmutu Ruthi B Malsawmtluangi, Lunglei Chanmari leh Elizabeth Lalhmangaihsangi, Lunglei Luangmual te chu pakhatna an ni.

14th Condensed Course on Traditional Dance & Songs 2025-26 kharna inkhawm hi Lungleia Art & Culture senior research officer Lalmuanpuia'n a kaihruai a, Tribal Research Institute-a senior research officer RK Lalawmpuia khuallian a ni.