HSLC pakhatna an khuain chawimawi

East Lungdar VC, tlawmngai pawlte leh political party-te ṭangrual chuan nimin khan an khuaa Thangburha Hall-ah HSLC 2026-a pakhatna Rachel Biakṭhapari chawi-mawina hun an hmang.

Chawimawina inkhawm hi East Lungdar VC president Vanlalhlua Chhangte-in a kaihruai a; VC bakah, pawl hran hrangte'n chawimawina thilpek an hlan a ni.

Rachel Biakṭhapari pa Salai Chan Uk chuan thu sawiin, Rachel Biakṭhapari chuan tun thlengin mobile phone a la neih loh thu a sawi a, "Thuamhnaw lamin kan duat ngai lo a, hmawmsawmin kan duat ngai lo. Phone nei loin tun thleng hian a awm a, chu chu a hlawhtlinna chhan ber pakhatah ka ngai. Hun âwl kan neihtir ngai lo," a ti.

Inkhawmah hian Rachel Biakṭhapari zirna St Joseph Higher Secondary School principal C Laltlansanga pawhin thu a sawi a ni.