CM-in zangnadawmna a hlan

Nimin khan chief minister Lalduhoma chuan a bial chhung, Thenzawla thlipui leh ruahpui avanga chhiat tawkte hnenah SDRF leh CM Relief Fund aṭangin zangnadawmna a hlan a, Thenzawl Kanan Veng leh Tualvungi Venga chhiat tawkte chu a hmunah a tlawh nghal.

April 27, Thawhṭanni tlaia thlipui leh ruahpui sur khan Thenzawlah chenna in pariat chu luah tlak lohin a len chhia a, heng bakah hian in chhe nasa zual pakua awmin, chhe nasa lutuk lo 54, sorkar in leh vantlang in chhia 13 leh electric ban tlu 15 a awm a ni.