New Market-a mipui Kal dan tur ruahman

Coordination Committee on Traffic Manage­ment chuan Aizawla December 23, 24 leh 31-a No Vehicle Zone hman hun chhungin New Market area-a mipui kal dan tur an ruahman. Hei hi mipui veivâk tâwt lutuk tur tihziaawmna tura ruahman a ni a, zâwm vek turin mipui an ngen.

Ruahman dan chuan, New Market pan turte chu Zion Street lam aṭang chauhin pan thlâk tur a ni a, chhoh zawngin kal theih a ni lo ang. New Market aṭangin hmar (Power House) lamah chhuah phei tur niin, Dawrpui School thlang kawngpuiah chhuah chhoh tur a ni. Mipui him nan leh veivah dan a felfai zawk nan police an duty dawn a ni.