Mamit-ah joint operation

Mamit district-ah Krismas leh kumthar lawmna rálmuang tak a awm theih nan Police, Excise leh YMA branch hrang hrangte'n joint operation an ṭan a, nimin khan an hawng. Joint operation hnuaiah hian nimin aṭang khan Mamit kawngpui pengṭhuamah Police, Excise leh YMA-te an duty a, lirthei tlânte an endik. Mamit SP Shasank Jaiswal chuan, kumin krismas leh kumthar chu Mamit district-ah rálmuang taka hman a nih theih nan uluk taka duty chhunzawm zel tur a nih thu leh, rûi chunga lirthei khalh leh ruihhlo zuar an mante chungah dan anga hmalak zel a nih tur thu a sawi.