Entrepreneurs' Conference hman a ni

Mizoram Entrepreneurs' Chamber chuan May 2, Inrinni khan Woodland Hills, Aizawlah Mizoram Entrepreneurs' Conference vawi khatna an hmang a, Commerce & Industry secretary leh director Dr H Lianzela'n a hmanpui.

Entrepreneurs' Conference hi kutkawih eizawnna lama Mizoramin hmasawnna a neih theihna tura buatsaih a ni a; mi 60 vel telin, kutkawih sumdawnna lama hmalakna turte leh an tawnhriatte sawiho a ni. Pawl hruaitu tur an thlang a, chairman atan Joseph L Ralte leh secretary atan Dr Vanlalsiama Chhangte an thlang.

H Lianzela chuan, kutkawih eizawnna buaipuitute chu ram economy ṭhanna tura mi pawimawhte an nih thu a sawi a, "Kan ramah hian Chawlhni kawr aia hnathawh kawr neih tam zawk a ṭul," a ti.