St. Paul’s HSS-ah Educators’ Conclave

St. Paul’s Higher Secondary School leh Lovely Professional University (LPU), Punjab chuan May 1, 2026 khan St. Paul’s HSS-ah 'Educators’ Conclave' an buatsaih a; Mizorama Catholic sikul 47 aṭangin principal, vice principal leh zirtirtu 90 an tel.

Conclave-ah hian LPU Mittal School of Business Prof. Dr. Preety Bhalla chuan 'Leadership, Academic Excellence and Role of Technology in Education' tih thupui hmangin zirtirtute pawimawhna leh hmasawnna turte a sawi. LPU (North East, Sikkim & West Bengal) zonal head Bhuvan Sareen chuan 'Shikshak Samman Anudan' chungchang a sawi bawk.