Textile Minister leh puantahtute inkâwm

Zan khat riaka Mizoram tlawha lo zin Union Textiles minister Giriraj Singh chuan nimin khan Mizoram Handloom and Handicrafts Development Corpo-

ration Limited (ZOHAND-CO) pisa leh Mizo kut-chhuakte an zawrha a tlawh a; puantahtute leh sum-dawngte nen an inkâwm.

Giriraj Singh chuan, silk váng leh ṭha bika sawi muga silk Mizoramah a tam thu sawiin, "Mizoram hi golden state tih hiala koh ka duh. Kum 2035-ah chuan silk metric ton 1,000 aia tam Mizoramin a thar theih ngei ka beisei a, sorkar laipui chuan kut hnathawktute hmasawn zelna atan sum pek chhuah a ui lo," a ti. Hmeichhiate chawi kân a pawimawh thu sawiin, Lakhpati Didi scheme chu ṭangkai zawka hmang turin puan tahtu hmeichhiate a chah.

Textiles Minister pual hian ZOHANDCO hian exhibition an buatsaih a, Mizo puantah chi hrang hrang leh thiamhnáng deh lam hawi an siamte an pho chhuak.

Giriraj Singh hi puan tahtute leh sumdawngte nen an inkawm bakah, SAMARTH training certificate, E-Pehchan card, yarn passbook leh artisan identity card a sem a; Lalramthangi hnenah Certificate of Appreciation of Workshed, Frame Loom & Lighting unit a hlan bawk.