Governor-in home pahnih a tlawh

Governor PS Sree­­d­haran Pillai leh a nupui Reetha Sreedhar te chuan Ningani tlai khan Mizoram Synod enkawl Hmangaihna In, Durtlang leh TNT, Muanna Veng-te an tlawh a; thawktute an kawm bakah, Krismas thilpek an hlân.

PS Sreedharan Pillai chuan, mi harsa zawk leh ṭanpui ngaite ṭanpuia rawngbawlna kalpuitute chungah a lawm thu a sawi a, "Pathian betute tan mahni mihringpuite tana hma­ngaih rawngbawl hna thawh aia Pathian biakna ropui a awm chuang lo," a ti. 

Hmangaihna Inah hian Governor hi Synod executive secretary Rev. B Sangthanga leh home superintendent Vanlal­sawmi ten an lo dawng­sawng a, naupang an lak dan leh enkawl dante an hrilhfiah. TNT-ah pawh a dintu Dr Sangthankima'n pindan hrang hrang a fanpui a ni. Hmangaihna Inah hian mipa naupang 12 leh hmeichhe naupang pariat an enkawl mek a; TNT-ah hian thawktu mi 82-te nen mi 1,855 an awm mek thung.