Mizoramin kawngpuia hma a sawnna tur CM leh MoRTH Minister-in an sawi dun

Chief minister Lalduhoma chuan May 4, Thawhṭanni zan khan Union Road Transport & Highways (MoRTH) minister Nitin Gadkari a kâwm a, Mizoramin kawngpuia hma a sawnna turte an sawi dûn.

Chief Minister chuan, national highway ni ṭhin, double lane alignment thar a kal tâk vanga ngaihsak zui loha awm, state PWD-a la hlan si loh kawngpui pawimawh parukte siamṭhat (one time improvement) a ṭul thu a sawi a; Nitin Gadkari chuan, national highway road hlui a nih ngei chuan resurface tihna tur sum pek a nih tur thu a lo hrilh.

Mizorama kawngpuite an tlo zawk nan kawngpui project tharte chu concrete-a siamsak turin Lalduhoma chuan a ngen a; MoRTH Minister chuan, "Cement factory lian nen inbe rem a, cement man tlawm deuh zawka lei a, concrete road siam theih a rinawm," a ti.

MoRTH Minister hian MoRTH leh NHIDCL officer-te chu bitumen man 40% laia a to chhoh avangin ngaihtuahna sêng a, hma la turin a hrilh nghal bawk.