Synod Choir member tharte hlân

May 6, Ningani zan khan Mission Veng Kohhran biak-inah kum 2026 - 2028 chhunga Mizoram Synod Choir member atana ruatte puan chhuahna leh hlanna inkhawm buatsaih a ni.

Inkhawm hi Central KṬP leader Rev. KM Vanlalpeka'n a kaihruai a; Synod moderator Rev. John Raldosanga'n Synod Choir member tharte Pathian hnenah hlanin, Synod executive secretary (i/c KṬP) Rev. Dr Rosiamliana Tochhawng-in fuihna thu a sawi.

Mizoram Synod Choir conductor atan Ben-jamin Thanglianmawia, Mission Veng ruat a ni a; member atan mi 24 ruat niin, part pali - soprano, contralto, tenor leh bass-ah mi paruk ṭheuh an awm.