CYMA-in ruihhlo do campaign buatsaih

Central YMA chuan YMA kumpuan 'Ruihhlo do' pualin May 9, Inrinni zing khan Aizawla hmun pasarihah street campaign an buatsaih a, ruihhlo ṭhat lohzia te, ruihhlo laka fihlim a pawimawhna leh ruihhlo do a ṭul dante an puangzar.

Ruihhlo do street campaign-ah hian CYMA hruaitute leh Aizawla YMA branch hruaitute an tel a; thu sawi a nih bakah, zaithiamte an zai. Tun kar Inrinni, May 16 zing karah street campaign buatsaih leh an tum bawk.

Central YMA chuan, ruihhlo donaa theihtawp chhuah tur leh mahni theihna zâwn ṭheuhah ruihhlo donaa pên chhuak turin mipui an sáwm a ni.

RUIHHLO DO CAMPAIGN NEIHNA
* Zemabawk Venglai : Thusawitu - Prof. Lalnuntluanga, CYMA vice president.
* Ṭhuampui Bazar : Thusawitu - Lalrochama, YMA CEC.
* Bawngkawn : Thusawitu - Lalhmachhuana, YMA CEC.
* Ramhlun North : Thusawitu - H Duhkima, CYMA treasurer.
* Chanmari kawn : Thusawitu - SF David Ngursangzuala, CYMA assistant secretary.
* Zarkawt : Lalrochuanga Pachuau, YMA CEC.
* Electric Veng : Thusawitu - MS Ralte, CYMA finance secretary.