Delhi-ah ram leh hnam tihmingchhe thei zawnga awm lo turin Mizote chah

The Mizo Welfare Association, Delhi chuan, Delhi khawpuiah Mizo ram leh hnam tihmingchhe thei záwnga khawsa lo turin Mizote an chah.

Delhi Mizo Welfare hian May 7, 2026 khan thurâwn an tichhuak a; "Delhi khawpuiah Mizo ram leh hnam tihmingchhe thei zâwnga khawsak loh tûr a ni. Incheina chungchangah a hun leh a hmun kan thliar thiam a pawimawh a, zahawm, mawihnai leh felfai kan zawng tûr a ni," an ti.

Delhi-a awm Mizote chu Mizo khawtlang leh kohhranah an remchan anga inthlahrung loa tel ṭhin turin an chah a, "Mizo society-a lan loh hi a finthlak loh hle. Vanduaina tâwk zingah mi dang hriat mang loha khawsa mai mai, harsa taka an ṭhiante leh chhungte zawn chhuah ngai an awm leh ṭhin hi a pawi hle. Awmna apiangah Mizo khawtlanga theih ang tawka inhman leh inhriattir ṭhin hi a finthlak," an ti a; Delhi-a Mizo awm thar, thla thum aia rei awm turte chu TMWA member-ah inziak lut turin an chah.