Páwn lam vawk lak luh khap

Aizawl district magistrate Lalhriatpuia chuan thupek tichhuakin, Aizawl district pawn lam, African Swine Fever lênna hmun aṭangin vawk, vawksa leh vawksa aṭanga thil siamte Aizawl district chhungah lak luh khap a nih thu a puang a; vawk damlo/thi a awmin AH&Vety department hnenah hriattir vat turin mi tin a chah.

Siaha district magistrate VL Hruaizela Khiangte pawhin ASF chungchangah thupek a tichhuak a; Siaha district-ah district pawn lam aṭanga vawk, vawksa leh vawksa aṭanga ei tur siamte lak luh khap a nih thu a puang. Siaha district chhunga khua leh khua inkara vawk inlakpawh tawn pawh khap a ni.