MCON faina hnatlang

Mizoram College of Nursing (MCON) chuan International Nurses Day (May 12) pualin nimin khan Falkawnah sarâng (plastic) bawlhhlawh then fai hnatlang an huaihawt a, zirlai 160 vel thawk chhuakin, Falkawn khawlai khaw dunga sarâng bawhhlawhte an chhar fai.

MCON zirlaite hian an zirtirtute kaihhruaiin ZMCH-ah 'Sign language for healthcare workers & patients' hun an hmang a, damdawi-ina thawkte leh damlote hnenah an hman ṭangkai theih tur kut zaizira thil sawi an entir a ni.