MLA-in Zo Inspiration thilpek hlan

Aizawl North-III bialtu MLA K Sapdanga, minister chuan nimin khan a pisaah a bial chhung Chanmari-a pisa nei Zo Inspiration Foundation hnenah MLA fund aṭangin computer, laptop leh printer a hlan.

K Sapdanga chuan, Zo Inspiration chu mi dang tan malsawmna ni zel tura a duhsak thu sawiin, "Kan bial chhung Chanmari-ah office neia in awm avangin MLA fund hmangin in mamawh ang zawng zawng ni lo, in mamawh zualpui kan pe ve thei che u hi lawmawm kan ti a, in rawngbawl zelnaah ṭangkai taka in hman ngei kan beisei," a ti.

Zo Inspiration Foundation secretary Emmanuel Thangrosanga chuan, minister K Sapdanga chungah an lawm thu sawiin, a kal zelna turah duhsakna a hlan a ni.