AMC hotute'n hmalakna tur sawiho

Aizawl Municipal Corporation term linaa Executive Council ṭhukhawm hmasa ber chu nimin khan mayor H Lalremtluanga kaihhruaiin a pisaah neih a ni.

Ṭhutkhawmah hian deputy mayor R Lalawmpuii leh Executive Council member (executive corporator) pali - Christina Roluahpuii Sailo, Vanlalhruaia, Pu Vanlalfaka leh K Lalrodinga te bakah, AMC commissioner Joseph H Lalramsanga leh officer dangte an tel.

Executive Council ṭhutkhawmah hian AMC hmasawnna tura hmalakna tur chi hrang hrang te, felfai leh chak zawka hmalak dan tur te, Aizawl khawpui enkawlnaa hna thawh dan turte sawiho a ni. Ward committee din dan tur leh chak zawka kalpui a nih theihna tur te, local council-te nena ṭha lehzuala thawhho dan turte sawiho a ni bawk.

AMC hmalakna hrang hranga hmasawnna tur leh mipui tana chhenfakawm zawka kalpui a nih theih nan zir chian ngaite lo zir chiang turin study team din an rêl a ni.