Bána Kaih hnuaia loan leh CM Package dilna 194 pawm

Mizoram State Policy Coordination Committee (MSPCC) chu nimin khan an vice chairman Dr KC Lalmalsawmzauva, adviser to CM (Handhold-ing) kaihhruaiin Planning conference room-ah an ṭhukhawm a; Bána Kaih scheme hnuaia loan dilna 18 leh CM Special Package dilna 176 an pawm.

Ṭhutkhawmah hian Commerce & Industries department leh Horticul-ture department aṭanga Bána Kaih loan leh CM Special Package dilna lutte enfiah a ni. Commerce & Industries department aṭanga an department nodal committee-in dilna 28 a recommend chu enho a ni a, partner bank-te hnena thawn turin dilna 18 an pawm. Horticulture department aṭanga CM Special Package dilna 176 an pawm bawk.