NACETER 2019 hawng

Environment, Forest & Climate Change (EFCC) department leh Pachhunga Univer­sity College (PUC)-a Department of Environ­mental Science chuan nimin khan PUC Semi­nar Hall-ah 'Emer­ging Trends in Environmental Research' (NACETER 2019)' tih hmangin national con­ference an buatsaih ṭan a, EFCC minister TJ Lalnuntluanga'n a hawng.

Conference hawnna inkhawm hi PUC principal Dr Tawnenga'n a kaihruai a, Prof. MK Purkait, IIT-Guwahati chu khualzahawm a ni. EFCC Minister chuan 'Emerging Trends in Environmental Research Abstract Book' tih a tlangzarh. Chawhnu lamah mithiamte'n tunlai environment dinhmun leh a venhim dan chungchang an sawi a ni.

Conference hi ni thum awh tur a ni a; thupui hrang hrang - Environmental Pollution & Control Measures, Ecosystem Analysis and Protection, Ecology, Geosciences, Biodiversity & Conservation, Envi­ronmental Impact Assess­ment, Climate Change, Carbon Se­ques­tration, Manage­ment of Freshwater Environments, Wildlife Management, Traditional Knowledge, Solid Waste Manage­ment & Biore­mediation, Remote Sen­sing & GIS leh Envi­ronmental Protection Laws-te an zirho dawn a ni.