MSSSB din turin hma la mek

Mizoram sorkar hnuaia sorkar hnathawk group B (non gazetted) chin lakna kalpuitu atana Cabinet meeting-in din tura a rèl tawh Mizoram Subordinate Services Selection Board (MSSSB) din a la ni lo a, din tura hmalak mek a ni.

Department of Personnel and Ad­ministrative Reforms (DPAR) hotute hnen aṭanga Vanglaini thu dawn danin, MSSSB atan hian pisa tur zawn mek a ni. Pisa tur zawn­na atan advertisment chhuah a ni a, mi eng emaw zatin an chháng a, a chhangtute inte chu la enfiah tur a ni.

September 30, 2019-a Council of Minister-in Draft Mizoram Subordinate Service Selection Board (Recruitment and Condition of Service) Rules, 2019 a pawm hnuah, tunah hian chairman tur leh member tur zawnna atan advertisement chhuah tura hmalak mek a ni bawk.

DPAR aṭanga Vang­laini thu dawn danin, MSSSB chairman leh member thlangtu tur hian selection commi­ttee din a ni a, anni hian a diltute aṭangin an thlang dawn a, thawktu dangte chu department dang aṭangin pawh (attach) a ni ang.

Tarlan tawh ṭhin angin, June 11, 2019-a Council of Minister ṭhukhawm chuan Mizoram Public Service Commission-in hna an lak ṭhin group B (non gazzeted) leh a hnuai lam latu tur MSSSB din turin thutlukna an siam a ni.