Speaker Rinliana'n Lunglei a tlawh

Legislative Assembly speaker Lalrinliana Sailo chuan October 30, Nilaini khan Lunglei a tlawh a, Lung­lei High Powered Commi­ttee (HPC) vice chairman Lawmawma Tochhawng, MLA, district bawrhsap K Lalrinzuali, SP C Lalthanmawia leh sorkar official-te nen Circuit House-ah an inkâwm a, Lung­lei HPC pisa a tlawh bawk.

Lalrinliana Sailo chuan, Mizoram chhim lam chu kawtchhuah pawimawh tak a nih thu sawiin, "Ram páwn aṭanga buangrua lo luhna tur kawngkapui a nih dawn avangin a la pawimawh zual zel dawn," a ti a; border trade lama hmalakna tur ngaihvenin amah ngei pawh Myanmar, Bangladesh leh ram dangte tlawhin sorkar mi pawimawhte a dàwr tawh thu leh, border trade tihlawhtling ngei tura hmalak zel a nih tur thu a sawi.

Assembly Speaker hian nimin khan Mizo Academy of Letters (MAL) Joint Headquarters, Lunglei buatsaih, 'Seminar on Lalzova and F Rokima kutchhuak' a hmanpui bawk.