Naupangin bawlhhlawh an thianfai

Mamit Bazar Venga Child­ren Sanitation Club (CSC)-te chu October 30, Nilaini khan tlai sikul bànah faina hna­tlang an nei a, Mamit khawpui kawngpui dunga bawlhhlawhte an thian fai. 

CSC hnatlang hi Mamita Swachh Bharat ambassador Laltharzeli'n a ho a; Laltharzeli chuan, faina chungchangah Mizoram mipuite chu naupangte'n a takin an zirtir rei ta hle tih sawiin, puitling, nu leh pate'n ṭan an lak ve a ngaih thu a sawi a, "Tuna kan dinhmun en chuan hmasawnna tur kan la ngah hle. Sorkarin kawngpui kam leh puipunna hmunah bawlhhlawh báwm min chhawpsak tawh chunga khawlaia bawlhhlawh chhar tur a awm reng hi kan mawhphurhnate kan la hriat tâwk loh vang a ni," a ti. 

Mamit Bazar Veng CSC hian faina hnatlang vawi 141 an nei tawh a ni.