KHAWTHLIR

AR-in thisen pe

Serchhipa awm 14th Assam Rifles-te chuan nimin khan thisen pek an huaihawt a, Serchhip District Hospital tan thisen unit 10 an pe.

Technology Day

Directorate of Science & Technology ruahmanin May 12, Thawhlehni khan Lunglei Science Centre auditorium-ah National Technology Day hman a ni. Inkhawm hi chief scientific officer H Lalsawmliana'n a kaihruai a, scientific officer Edward Lalzuithanga'n 'Responsible innovation for inclusive growth' tih thupui a sawi. Mizoram Polytechnic, Baptist Higher Secondary School, D&D Higher Seconary School leh Holy Faith School zirlaite an tel a ni.

X-ray khawl hawng

Adviser to chief minister H Ginzalala, MLA chuan nimin khan a bial chhunga Hnahlan Primary Health Centre-a hman tur x-ray khawl thar a hawng. Ginzalala chuan, x-ray khawl chu Hnahlan leh a chhehvel khuaa mipuite'n ṭangkai taka an hman a beisei thu leh, Hnahlan PHC-in a mamawhte a neih belh zel theih nan theihtawp a chhuah dawn thu a sawi.

Nu 2 chawimawi

East Lungdar RD Block leh ICDS Project chuan May 12, Thawhlehni khan nu chhuanawmte chawimawina hun an hmang a, Vailianchami leh C Rodinthari te hnenah chawimawina an hlan. Vailianchami hi hmeithai, nau a hrin tûka matric exam hmachhawna pass a ni a, a fate zawng zawng graduate zawhtir vektu a ni. C Rodinthari chu doctor super specialist chher chhuaktu nu a ni. Inkhawm hi E Lungdar BDO Dr Marilyn Lalruatkimi’n a kaihruai a, ICDS circle officer Jeremy Lalhmingsanga'n thu a sawi.

Computer hlân

Rural Development & Administration minister Prof. Lalnilawma chuan nimin zing khan MADC Golden Jubilee Hall-ah Siaha district-a village council pasarih hnenah computer a hlan. Computer hi Rashtriya Gram Swaraj Abhiyan aṭanga ruahman a ni. Minister chuan, langtlang leh ṭangkai taka hman a nih theih nana a hmun ngeia kalchilha computer sem a nih thu a sawi.