DoNER Secretary-in hmalakna tlawh

Ministry of Development of North Eastern Region (DoNER) secretary Sanjay Jaju chuan May 12, Thawhlehni khan Champhai district-a thlai leh thei chinna hmunte leh sawngbawlna hmunte a tlawh a; Horticul-ture secretary Maria CT Zuali'n a ṭawiawm.

DoNER Secretary hi Champhai District Agricultural Marketing Committee (DAMC) member-te leh sawhthing hralh leh leina secondary collect-ion centre hruaitute'n an lo hmuak a; Champhai bawrhsap Mohammad Aaquib-a'n sawhthing hralh chungchanga Champhai dinhmun a hrilh.

Sanjay Jaju hian Champhai Winery, New Champhaia Passion Fruit Processing Unit (sapthei sawngbawlna), Tlangsama Oak Tasar Seed Farm leh Zomi Cultural Centre & Preservation of Zomi Historical Sites te a tlawh a ni.

DoNER Secretary hian May 11, 2026 khan Thenzawl tlawhin, Thenzawl Peace City hmun tur te, Khankawn-Rongura Hmun inkar kawng siam mek leh Thenzawla heli-port/helipad siamna hmun tur a tlawh a; Golf Course-ah sorkar department hrang hrang hotute review meeting a neihpui bawk.