Vigilance Awareness Week hmang

Nimin khan Lunglei Convention Centre-ah Vigilance Awareness Week (October 28 - November 2) pualin hun hman a ni a, Lunglei additional DC David Liansanglura Pachuau-in thu sawiin, Anti Corruption Bureau (ACB) deputy SP B Lalnghakliana'n vigilance awareness hun a hmang.

Saitualah pawh nimin khan a vawi khat nan Saitual DC C Lalpeksanga hoin Vigilance Awareness Week hman a ni a; Saitual town area-a V/C te, tlawmngai pawl aiawh te, sorkar hnathawkte leh college zirlaite telin, rinawmna nunphunga nei tura intiamna (pledge) an sawi rual.

Vigilance Awareness Week hi Saitual College Auditorium-ah hman a ni a; bawrhsap C Lalpeksanga chuan, "India khua leh tui kan ni a, a bikin sorkar hnathawkte'n tih tur hrang hrang kan nei a, eng danin nge min phuar tih kan inhriat thar leha kan inhrilh fo a ṭul a ni," a ti. ACB additional SP J Lalmuankima'n Vigilance chungchanga India khua leh tuite hriat tur leh sorkar hna thawkte hriat turte a sawi bawk.