Siaha leh Lawngtlaiah DISHA ṭhu

Lok Sabha MP Richard Vanlalhma-ngaiha hoin May 13, Nilaini khan Siaha District Development Coordination & Monitoring Committee (DISHA) an ṭhu a, nimin khan nimin khan Lawngtlai DISHA an ṭhu bawk. Department hrang hrangin sorkar laipui scheme an kalpui dan leh hmachhawpte thlirho a ni.

Richard Vanlalhmangaiha chuan, thla thum dana neih ṭhin DISHA meeting chu sorkar laipuiin a ngaih pawimawh thu a sawi a, "Meeting hi department tinte thawhhona ṭha kan neih theih nan hmanraw pawimawh a ni a, inbengvar tawn a, district hmasawnna tura infinchhuah tawn ṭhin a pawimawh," a ti.

Sorkar laipui scheme-te tihhlawhtlin chu line department-te mawhphurhna a nih thu sawiin MP chuan, "Sorkar laipuia scheme hrang hrang kalpuiah mipuite'n hlâwkna an neih te, ram hmasawnna, ei leh bara intodelh leh changkanna lam pan te a pawimawh a, department hrang hrangte mahni hmazawn ṭheuhah theihtawp kan chhuah zel a ṭul," a ti a; ram leh hnam, mipui tana theihtawp chhuah zel turin department hotute a chah.

DISHA hi Ministry of Rural Develop-ment hnuaia awm a ni a, district-a central sorkar scheme-te viltu a ni. Committee-ah hian Lok Sabha MP chu chairman a ni a, bawrhsapte chu member secretary an ni.