MSU-in HSSLC-a ti ṭhate an chawimawi

Mizo Students’ Union chuan nimin khan Vanapa Hall-ah HSSLC 2026-a stream tina top 3-a lang Mizo zirlaite chawimawina hun an hmang a, minister Lalrinpuii khuallian niin, Mizoram Cooperative Apex Bank chairman Lalnunsanga Rokhum khualzahawm a ni.

Minister Lalrinpuii chuan, Mizoram ṭhalaite central service-ah an luh theihna tur chuan vai ram anga ranking ringawt buaipui lo a, sikul piah lama mihring hlawhtlinna hmanga teh a pawimawh thu a sawi a, "Sport lama hlawhtling tur chuan grassroot aṭanga beih a ngai tawh ang hian, zirnaah pawh grassroot aṭanga theihtawp chhuah a ngai a ni," a ti.

Khualzahawm Lalnunsanga chuan, zirlaite chu mahni inhre chiang tur leh tum mumal tak neia lehkha zira, mahni inthununna ṭha tak nei turin a chah. MSU president B Lalkhawngaihzuala pawhin thu sawiin, Mizoram sorkarin result bua ranking a tarlang tawh lo chu zirna kalphung ṭha zawk beiseina a nih avangin MSU chuan an hriatthiampui thu a sawi.

Zo Career Solution dintu Dr Lalhruai-tluanga'n zirlai kal khawmte career guidance hun a hmanpui bawk.