Rualbanlote leh upate hnenah hmanrua hlan

Minister C Lalsawivunga chuan nimin khan a bial, Aizawl South-I chhunga Republic Veng community hall-ah rualbanlote leh upate hnenah hmanraw chi hrang hrang a hlan. 

Hmanruate hi sorkar laipuia Ministry of Social Justice & Empowerment hnuaia pek a ni a, Artificial Limb Manufacturing Corporation of India (ALIMCO) leh Pradhan Mantri Divyasha Kendra, Aizawl ten an buaipui. Rualbanlo leh upa mi 381 hnenah kut/ke lem (artificial limb), folding chair (with commode), zakdawh tiang, bengdár leh thil dangte pek a ni.