RD Minister-in Lungsen CMTC a hawng

Mizoram State Rural Livelihood Mission hmalak-naa sak, Lungsen khuaa Community Managed Training Centre (CMTC) leh Gender Resource Centre chu May 14, Ningani khan Rural Development & Adminis-trative minister Prof. Lalnilawma'n a hawng.

Lungsen CMTC hi self help group (SHG) Lungsen RD Block Cluster Level Federation hnuaia hmeichhiate eizawnna leh inzirna atan ruahman a ni a; building chi li awmin, office, in anga luah theih leh mi 36 riah theihna leh hall te a awm. CMTC hi Thenzawl leh Sangau khuaahte hawn a ni tawh a, Lungsen hi pathumna a ni.

RDA Minister chuan, SHG-in hmeichhiate nasa taka a chawi sân thu sawiin, "Mahni inrintawkna a pe nasa hle. SHG-te thil siam chhuahte hi state pâwnah kan la thawn ang a, thawn hmain state chhungah kan hralh phawt ang. SHG siam chhuahte hi khualzinte lei turin kawng kamah zawrhna tur pawh kan buaipui dawn a ni," a ti a; CMTC chu sorkar department leh pawl dangte'n an hman duh chuan man chawiin an hman theih tur thu a sawi.