Chhiatna thlenga hmalak dan tur thlirho

Disaster Management & Rehabilitation minister Prof. Lalnilawma hoin May 15, 2026 khan DMR hotute leh district tina bawrhsapte'n fûr thleng turah chhiatna a thlen palha hmalak dan tur an thlirho. Khuarel chhiatna a thlen palha sorkar hotute hrilhna tur 'Khuarel App' hmang ṭangkai ṭheuh turin mi tin an chah.

Prof. Lalnilawma chuan, district hrang hrang report aṭangin district-te'n District Focal Person, Department District Monsoon Action Plan leh Resource Assessment neihte chu ṭha a tih thu leh, mipui himna atan chak zawka hmalak a pawimawh thu leh ṭanrual a ṭul thu a sawi.

DMR Minister chuan, "District-a chhiatna a thlen palh pawha rang taka pui turin sorkar a inbuatsaih reng a, fûr hmaa inbuatsaih lâwkna, department hrang hrang thawhhona leh chhiatna hlauhawm a thlen pawha rang taka hmalak a pawimawh," a ti.

Ṭhutkhawmah hian hmalak dan tur hrang hrang sawiho a ni a; mipuiin chhiatna thlengte Khuarel App hmanga an hriattir zung zung theih tawh avangin, mipuiin an hman ṭangkai a ṭul thu an sawi a ni.