Sainik School din champha lawm

Adviser to chief minister TBC Lalven-chhunga, MLA chuan May 16, Inrinni khan Sainik School, Chhingchhip 10th Founder's Day a hmanpui a; CBSE acade-mics session liam taa Sainik School zirlai ti ṭhate hnenah chawimawina a hlan.

TBC Lalvenchhunga chuan, Sainik School, Chhingchhip-in an sikul din ṭan ni vawi 10-na a thleng chu a lawmpui thu a sawi a; zirlaite chu an theihna zawng zawng nen zir tur leh mahni inthununna vawng ṭha turin a fuih a; zirlai nu leh pate chu an fate tana theihtawp chhuah zel turin a chah.

Assam Rifles 23 Sector commander Brig. Pushpendar Sorayan pawhin thu a sawi a; Sainik School, Chhingchhip principal Col. Soumyabrata Dhar-in an sikul dinhmun tlangpui a sawi. Zirlaite'n hnam lam leh zai te an entir a, arts & crafts & science lam hawi exhibition buatsaih a ni bawk.