Zirlai lawmpuina hun hmang

St Joseph Higher Secondary School chuan May 15, 2026 khan Electric Veng YMA Hall-ah kumin HSLC leh HSSLC result an lawm a, Lalmalsawma Pachuau, IRS-in a hmanpuiin, lawmman chi hrang hrang sem a ni.

Lalmalsawma Pachuau chuan, social media leh artificial intelligence chungchang sawiin, "AI hian kan hna tur min la chhuhsak thei a, smart taka hma lam kan en a ngai. Mobile phone leh social media lakah a lutuk thleng lo turin fihlim a ṭul," a ti.

St. Joseph HSS hian kumin HSLC-a pakhatna an neih bakah, top ten-ah an zirlai paruk an lang a, an zirlai zawng zawng an pass. HSSLC-ah stream pathuma top ten-ah an zirlai pakua an lang a, subject topper pathum an nei a ni.