Lu meh leh sam siam zir zote thlah

Mizoram Youth Commis-sion (MYC)-in Ministry of Tribal Affairs kaltlanga Mizo ṭhalaite puala a thlâwna mipa lu meh leh hmeichhe sam siam zirna a buatsaiha training zo mi 27-te chu nimin khan MYC confe­rence hall-ah thlahna hun hman a ni a, certificate leh an mamawh hmanruate pek an ni.

MYC chairman Malsawm-zuala Ralte chuan, "Thiamna leh theihna inang rau rauah dawrtu che u lungawina thlen thiam apiangin pan in hlawh zel dawn a, hma in sawn chak thei ang," a ti a; an kal zelna leh an hnathawhnaah Pathian ṭanpuina dil a, a malsawm tlaka thawkrim turin a fuih.

Mipa lu meh zirte chu thla khat leh a chanve chhung MT Cutz-ah zirtir an ni a, hmeichhe sam siam zirte chu Nuseni Parlor-ah thla thum chhung zirtir an ni. Training chhuakte hian anmahnia hna an thawh ṭan nghal theihna turin hmanrua an mamawh turte MYC chuan a pe nghal a ni.