Sorkar laipui hnuaia hmalakna thlirho

Lok Sabha MP Richard Vanlalhmangaiha kaihhruaiin nimin khan Saitual DC conference hall-ah District Development Coordination & Monitoring Committee (DISHA) an ṭhukhawm a; centrally sponsored scheme hrang hranga hnathawh leh hmalakna te an thlirho.

Richard Vanlal-hmangaiha chuan, mipui hmasawn nan sorkar laipui scheme duan ṭhin a nih thu sawiin, "Scheme kalpui a nih dan leh line department thawh chin te inhriatpawh tawn nan DISHA meeting thla thum danah kan nei ṭhin a, CSS-te hi mipui chawikan nan leh ram hmasawn nan a pawimawh hle a ni," a ti a; CSS kalpuitu department hotute chu ṭhahnemngai taka thawk turin a sáwm.

Bawrhsap kaihhruaina hnuaiah zirna lamin hma a sawn zel a beisei thu sawiin Lok Sabha MP chuan, HSLC leh HSSLC exam-ah Saitual district-in pass percentage ṭha zawk an neih theih nan ṭan lak a ṭul thu a sawi.

Ṭhutkhawmah hian CSS kalpuitu depart-ment hrang hrangte'n an department kaltlanga sorkar laipui scheme leh programme an kalpuite aṭanga an dinhmun leh hmachhawpte an sawifiah a ni.