Biate Welfare-in mi tana nunna hlantu Biate naupang an chhuang

Biate Welfare Society (BWS), Aizawl chuan thuchhuah siamin, Lalbiakthara (15) s/o Lalbiakmawia, Biate Middle School-a pawl 8 zirlai, May 14, 2026-a tuia tla a chhan chhuahna lama tuia a tla hlum chu pawi an tih thu leh, mi nunna chhan tura a inpekna chhuanawm an tih thu an tarlang.

BWS tarlan danin, May 14, 2026 khan Biate M/S chu Biate leh Khawbung inkara Tuipuiah intihlim turin an kal a ni. Hmeichhe naupang pakhat chu Panga Li-ah chesualin a tla a, Lalbiakthara chuan tui hleuh thiam lo chungin hmeichhe naupang tuia tla chhan tumin tuiah zuang lutin, a chhan chhuak a, mahse, amah a thih phah a ni.

BWS chuan, mahni nun thâpa mi dang nunna chhantu Lalbiakthara chet dan chu a huaisenthlak an tih thu sawiin, "Ṭhian chhan thih ngama a chetna hi kan chhuang tak zet. Lalbiakthara hi tui hlau mi a ni a, heti chunga hmeichhe mangang ṭanpui ngai ṭanpuia a nun a hlan hi kan ngaihlu hle a, kan hre reng tawh dawn a ni," an ti.