Green-Ag hnuaia thawkte tan training

Nimin aṭang khan IPR Lianchhiari Rûnah 'Green -Ag, Mizoram: Staff capacity building cum training' ṭan a ni a; State Project Monitoring Unit (SPMU) office, Green Landscape Implimentation Unit office, Lunglei leh khaw hrang hranga community resource person te an tel.

Training hi May 22, 2026 thleng neih tur a ni a; hawnna inkhawmah hi India rama FAO representative Takayuki Hagi-wara, national technical coordinator Manoj Mishra, state coordinator Athira Sobhana leh Agriculture & Farmers’ Welfare director Vanramthangi leh deputy director Lyncy Lalrindiki ten an hmanpui.

Green-Ag project hi kum 2020 khan Mizoramah ṭan a ni a, Lunglei leh Mamit district-ah kalpui niin, Lunglei district-a Thorangtlang Wildlife Sanctuary chhehvela khaw 13 (Thorangtlang Landscape) leh Mamit district-a Dampa Tiger Reserve bul hnaia khaw 25 (Dampa Landscape) te a huam.

Food and Agriculture Organization leh Global Environment Facility ṭanpuina hmanga kalpui Green -Ag project-in a tum ber chu - India rama loneitute'n ngêlnghet zawk leh ramngaw tichereu lo zawnga eizawnnna ngêlnghet leh hmasawnna an neih theihna tura hmalak a ni.