Village Action Plan thlirho a ni

Serchhip district bawrhsap Paul L Khuma kaihhruaiin nimin khan erchhip District Special Cell for Solid Waste Management Committee an ṭhu a; felfai leh mumal zawka bawlhhlawh sâwngbâwl dan tur ruahmanna, 'Village Action Plan' an thlirho.

Ṭhutkhawmah hian sorkar department hrang hrang hotute leh khawtlang hruaitute an tel. Village Action Plan hnuaia chhungkaw tin mawhphurhna tur te, Village Level Solid Waste Manage-ment Committee mawhphurhna tur te, VC, BDO leh department hrang hrang mawhphurhnate sawiho a ni.

Village Action Plan hnuaiah hian bawlhhlawhte chu chi li - wet waste (ṭawih thei), dry waste (ṭawih thei lo), sanitary waste (zun leh ek thli) leh special care waste (rawng bur, damdawi chhia, e-waste etc.)-ah te thliar hran vek tur a ni a; a paihna tura siamah chauh paih tur a ni.

Action Plan hnuaiah hian khaw chhunga bawlhhlawh hâl khap a ni dawn a, dan bawhchhiate chu Solid Waste Manage-ment Rules hmangin hrem theih an ni.