Lui leh ngaw venhim dan sawiho

Lawngtlai district Special Investigation Team chu nimin khan district bawrhsap Donny Lalruatsanga kaihhruaiin an ṭhukhawm a; LADC leh CADC huam chhunga Riverine Reserved Forest leh Reserved Forest Areas venhim leh enkawl chungchanga hmalak dan an thlirho.

Ṭhutkhawmah hian Reserved Forest huam chhungah land pass pek chhuah a awm loh thu tarlan a ni a; Riverine Reserved Forest huam chhungah land pass a awm leh awm loh chu a hmunah kala zir chian an rel. CADC huam chhungah Tuichawng lui aṭanga metre 800 chin endik a ni dawn a, LADC huam chhungah chuan Chhimtuipui, Tuichawng (LADC area chin) leh Sekulh lui dung metre 800 chinah endikna a ni ang.

Zirchianna hi Lai Autonomous District Council leh Chakma Autonomous District Council-a Revenue department leh Forest department ten chawlhkar thum chhung an kalpui dawn a; report peih a nih hunah Mizoram sorkarah report an thehlut dawn a ni.