Sorkar leh HPC-D (LF) inremna tihhlawhtlin dan tur sawiho a ni

Home minister K Sapdanga hoin nimin khan Mizoram sorkar leh HPC-D (LF) inremna thuthlung, Memorandum of Settlement-in a ken tel Charter of Demands-a tarlan hrang hrangte tihhlawhtlin dan tur leh bawhzui dan tur rel a ni.

Charter of Demands-ah hian Lalhmingthanga Sanate hoa Mizoram sorkar kuta HPC-D mi leh sa (cadre) inpete intundinna tur bakah, hmar tlangdung huap hmasawnna tur rawtna hrang hrang - inkalpawhna ṭha siam, zirna-in ṭha leh sorkar office din belh, lo neia eizawngte tana chhenfakawm agro-based industry din leh a dangte a tel.

Ṭhutkhawmah hian, HPC-D (LF)-te mamawh leh ngenna hrang hrangte chu uluk taka a ni a; department hrang hrang kaihhnawih thil a nih hlawm avangin a kaihhnawih department ṭheuhah hmalak thuai a nih theih nan lehkhaa thlen an rel. A theih ang anga bawhzuiin, hmalakna report pawh dil khawma thlirho leh thuai ni se, an ti.

Sawihonaah hian adviser to CM (political) Lalmuanpuia Punte, Home Secretary leh Home department officer-te an tel a ni.