State university dinna turah chak zawka hma la turin ngen

State University Demand Committee, Lunglei chuan Lungleia State University din tur chungchangah a rang thei ang ber leh chak thei ang bera hma la chhunzawm turin Lunglei District High Powered Committee an ngen.

Chief Minister leh Higher and Technical Education Minister ten State University hmun tur chungchangah ruahmanna siam chu Lunglei HPC Vice Chairman kutah an dah tih sawiin, "State University Demand Committee, Lunglei chuan a rang thei ang ber leh chak thei ang bera hmalak chhunzawm turin kan ngen a ni," an ti.

Nimina State University Demand Committee hruaitute ṭhukhawm chuan, HTE minister Dr Vanlalthlana hoa Melte rama State University hmunpui tur enho tawh chu ennawn leh an rél a; a hmun turah khaikhin tur awm se tia HTE Minister-in a rawt chungchangah, university headquarters hmun tur ram pe phal mimal, kohhran leh local council an awm a nih chuan Demand Committe hnena hrilh turin Lunglei mipui an ngen a ni.