Leihriak renchem turin mi tin ngen

Asia khawtlang lama buaina awm mek vanga Prime Minister-in leihriak leh sum renchem tura ngenna a siam angin, Mizoram sorkar chuan Prime Minister ngenna chu tihlawhtling turin Mizoram mipui a ngen.

GAD chuan nimin khan ngenna tichhuakin, Mizoram chu state pawn aṭanga bungraw la lut ṭhin a nih avangin, ram chhunga leihriak man pung leh bungraw phurh man pungin a nghawng nghal lo thei lo tih an tarlang a, "Hengte avang hian sorkar sum renchem kawngah leh thil hlu kan neihte vawn chungchangah mipuite a theih ang anga hma la turin kan inngen," an ti.

Mipuite chu mahni lirthei hmang lo a, a theih anga tam public transport hmang uar tura ngenin sorkar chuan, "Lirthei inhman ṭâwm pawh a theih ang anga kal pui turin kan inchah a ni," an ti a; ṭul loa zin chhuah pumpelh turin mipui an ngen bawk.

SORKAR NGENNA DANG

* LPG (gas)-te thiam tak leh renchem taka hmang tur leh hman loh kara off zel turin kan inngen.

* Local body te, NGO te, sumdawngte leh private institution-te pawh he hmalakna hi theihtawpa thlawp tura ngen an ni.

* Ram mipuite'n hun khirh tak an tawn mek chhunga sorkar thâ tichak tur leh, ram leh hnam tan ngenna tihhlawhtlin kawngah theihtawp chhuah turin Mizoram sorkar chuan mipui a ngen.