Corporator-te'n AMC hnathawh zirho

Aizawl Municipal Corporation-a corporator thlan tharte pualin nimin khan AMC conference hall-ah AMC hnathawh hrang hrangte zirhona leh inhrilhfiahna buatsaih a ni.

Zirhona hi AMC commi­ssioner Joseph H Lalramsanga'n a kaihruaia, mayor H Lalremtluanga'n a hmanpui.

Bawlhhlawh khawn leh sawngbawlna dan thar Solid Waste Ma­nage­ment Rules, 2026 zirchianna leh urban local body (municipal) mawhphurhna leh tih turte zirho a ni a; dan tharin a phûtte chu thunei­tute leh mipui hnena hrilhfiah dan tur sawiho a ni. Mumal zawka Aizawl a ṭhan theih nan AMC-in dan a kenkawh hrang hrangte mipuite'n ṭha taka an zawm theih dan turte sawiho a ni bawk.