CM's Charitable Trust Board of Trustees ṭhu

Chief Minister's Charitable Trust Board of Trustees chuan nimin khan Chief Minister pisaah Annual Meeting an nei a, CM Lalduhoma'n a kaihhruai. CM's Charitable Trust chu sorkar department, society, pawl leh mimal pawhin CSR dawnthlêng atana an hman theih tura inhawn an remti.

CM Charitable Trust Board of Trustees Annual Meeting hian sorkar kum kal mek 2025-26 atana Trust auditor tur leh Pro Bono advisor tur an ruat a; Board chief executive officer atan R Lalrodingi, OSD to CM leh secretary atan Raymond Lalmuana te an ruat.

India ram pawn aṭanga dan ang taka ṭanpuina (donation) dawn theihna Foreign Contribution Regulation Act (FCRA) registration neih ṭha an ti a, hmalak zui an rêl. Mizoram Corporate Social Responsibility Cell (CSR Cell) nena thawh dun theihna awm apianga thawh dun an remti bawk.

Tarlan danin, Mizoram sorkara department, society, pawl hrang hrang leh mimal ten CSR dil chhuah an neih chânga a mawh latu tur (implementing agency) an mamawhin CM's Charitable Trust chu agency-ah an hmang thei dawn a ni.

CM's Charitable Trust-ah hian Chief Minister chu settlor a ni a, Vanlaldina Fanai (secretary to CM) leh David Lalthantluanga (Planning secretary)-te chu ex-officio trustee an ni.