Kohhran hruaitute tan training buatsaih

Mizoram Synod hnuaia Family Guidance & Counselling Centre chuan May 12-19, 2026 chhung khan SMTC Hall-ah Church Leaders’ Pastoral Counselling Training vawi 42-na an buatsaih.

Training-ah hian pastor bial pariat - Bungtlang South, Hmawngbu, Vaṭhuampui, Tuithumhnar, Damdep, Dârlâk, Thaidawr leh Buhchangphai biala kohhran aiawh mi 29 an tel. May 19, Thawhlehni zan khan kharna inkhawm hman a ni a, Synod moderator Rev. John Raldosanga'n training chhuakte hnenah certificate a sem a, thuchah a sawi bawk.

FGCC hian pastor leh kohhran hruaitute puala counselling training a buatsaih ṭhin a; kohhran mal, bial huap, presbytery huap leh district khawpuiah te Kristian chhungkaw seminar, campaign leh awareness campaign te an buatsaih ṭhin.

Mizoram Synod hian counselling centre pakua - Mission Veng, Bawngkawn, Vaivakawn, Champhai, Serchhip, Kolasib, Lunglei, Mamit leh Khawzawlah te a nei a; chungte chu March 3, 2026 thleng khan pantu (client) mi 89,499 an awm a, kumin 2026 bikah mi 891-in an pan tawh a ni.