Hmun pathumah heroin man

Mizoram Police, Excise & Narcotics department (END) leh Assam Rifles ṭangho chuan May 20, Nilaini leh nimin khan hmun pathumah heroin an man.

END leh Assam Rifles ṭangho chuan nimin zing khan Champhai Zote by-pass road-ah heroin gram 620.410 leh a neitua puh Jaydanamul Barbhuiya (28), Lokanathpur, Cachar district, Assam-a khawsa nia inchhal an man. Heroin hi Myanmar aṭanga lak luh, Assam-a tihral tum a ni a; heroin phurhna truck AS-01 MC-7551 pawh hrèn nghal a ni.

Saitual police-te chuan nimin zing khan Keifang daia lirthei an endiknaah Manipur aṭanga Aizawl pana tlan Bolero AS-11 V-6022 aṭangin heroin kg 2.493 an man. Lirthei khalhtu hi kum 15 mi a ni a, naupang dan lama buaina nei (juvenile in conflict with law) hmangin hmalak a ni.

May 20 chhun khan Tui-senphai check gate-a duty Khaw-zawl police-te chuan lirthei an endiknaah maxicab pakhata chuang Johny Hramnun-tluanga (31) s/o Chanthulhlova, Hmunlai, Tahan, Myanmar nia inchhál hnen aṭangin heroin gram 34 an man bawk.