DC-in vending stall siamsak

Aizawl Bawrhsap pisa chuan Trea­sury Square leh a chhehvel kawngpui sira thil zuar (hawker)-te hman tur dawrtê (vending stall) an siamsak a; chu'ngte chu December 23, 2019 khan Aizawl DC Vanlalngaihsaka'n hawngin, a dawngtu/hmangtu turte hnenah pek nghal a ni.

Vending stall hi 26 siam a ni a, chu'ngte chu a hmangtu turte awmna local council pahnih - Tuikual South leh Venghlui LC hruaitute hnenah Aizawl Bawrhsapin a hlân a; local council-te chuan December 23 vêk khan a hmangtu tur - Vanapa Hall bul, Temple Square leh Treasury Square vela kawng sira thil zuarte hnenah an pe ve leh nghal a ni. Vending stall-te chu Aizawl Kiosk Project hnuaia hmalakna a ni a, NEDP aṭanga sum hmuh hmanga siam a ni.