MADC MDC by-election-ah BJP candidate Laikaw a tling

Mara Autonomous District Council (MADC) chhunga Tokalo biala MDC (member of district council) by-election neiha vote tla chu nimin zing dar 9 khan chhiar ṭan a ni a, BJP candidate M Laikaw a tling.

Tokalo biala MDC by-election-ah voter 955 zinga 821 (85.9%)-in vote an thlak a; vote tla 821 aṭangin vote 484 hmutu M Laikaw, BJP chu a tling a ni. MNF candidate Chotha Hlychho-in vote 329 a hmu ve thung a, NOTA-ah vote 8 a tla bawk. M Laikaw leh Cho­tha Hlychho vote hmuh inthlauhna hi 155 a ni.