Tuialhthei man a pun belh

India ram pumah tuialhthei man tihpun a nih ṭhin avangin Mizoramah pawh tun hnaiah tuialhthei man a che nasa a; May 23, Inrinni khan tuialhtheih man a pung leh a, litre khatah petrol pawisa 85 leh diesel pawisa 86-in a pung.

All Mizoram Petroleum Dealers Association president K Lalnghakliana'n hnen aṭanga thu dawn danin, May 23, Inrinni zing khan petrol man pawisa 85 leh diesel man pawisa 86-in a pung. Tun dinhmuna Aizawla tuialhthei litre khat man chu - petrol Rs 103.81 leh Diesel Rs 92.51 a ni.

Tuialhthei man hi May 15, 2026 khan tihpun a ni a, petrol man Rs 3.02 leh diesel man Rs 2.89-in a pung. May 16 khan petrol leh diesel man pawisa 6 ve vein a tlahniam a, May 18 khan pawisa 80 ve vein a pung leh a; May 23 aṭangin a pun belh leh ta a ni.