Lungdaiah ṭhenawmpa vit hlum

May 23, Inrinni chawhma dar 10:30 vel khan Malsawm­tluanga (45), Lungdai ­chuan an ṭhenawmpa Kapchhuanmawia (52) chu chemtêin a vit hlum.

Thu dawn danin, Malsawmtluanga leh Kapchhuanmawia hi an inhnial a, Malsawmtluanga thinrim chuan chemtê chuhin a vit a ni. Kap­chhuan­mawia hi damdawi-inah kalpui nghal ni mah se, an thlen chuan chhan theih a ni tawh lo.

Police leh Forensic Science Laboratory lamin a ṭul angte an buaipui nghal a, Kapchhuanmawia ruang hi endik a nih hnuah vui a ni. Malsawmtluanga hi Kawnpui Police-te'n May 23 vek khan an man a, nimin khan Kolasib District Court-ah hruai niin, Court thu angin Kolasib District Jail-ah dah luh a ni.