Minister-in inring ngam turin zirlaite chah

Minister of state B Lalchhanzova chuan May 22, 2026 khan MZP Southern Headquarters, Lungleiin zirlai ti ṭha chawimawina Saikuti Hall-a an buatsaih a hmanpui a; mahni inring ngam tur leh inngainêp lo turin zirlaite a fuih.

B Lalchhanzova chuan, mahni inrin ngam a pawimawh thu sawiin, "Naupan rei lutuk a ṭha lo. Mahni inrin ngam loh chuan tu mahin an ring ngam lo ang, mahni kan inrin ngam chuan keimahni aṭanga thil tih theih ropui tak rin phak bâk a awm a ni," a ti.

Zirlaite chu inngainêp lo tur leh rintlakah inngai tura chahin Minister chuan, "Khawvela kan pian ve tawh chuan thil ṭha ti turin Pathianin min siam a, mahni infuih ila, chakna thuruk i hai chhuak ang u," a ti a; harsatna an tawhte chu remchangah hman tum tura fuihin, "Harsatna paltlang tam apiang an tlo a, retheihna, rilru natna leh hun harsa leh khirh inhnehtir lo a, tumruhna nen hma lam kan pan tur a ni," a ti bawk.

B Lalchhanzova hian zirlaite chu ni khatah darkar 8-13 inkar tal lehkha zir turin a fuih a; zirlaite pangchang leh no lutuk lo tura enkawl tur te, fate hrehawm phal turtein nu leh pate a chah bawk a ni.